ISIXHOSA - Amabali kaMakhulu wabantwana

Le ncwadi inamabali angama-21 adluliselwa ukusuka kwesinye isizukulwana ukuya kwesinye. Kwaye ngoku, ndiyidlulisela kuwe.

"La ngamabali endikhule ndiwaphulaphula, ndikhumbula ndindwendwela abantu abadala basekhaya, ndihleli notata ndimamele onke amabali enkomo yemilingo, amagqwirha akhohlakeleyo nentombazana ekwazi ukujika ibe yintaka. Oomakhulu babedla ngokucengceleza amabali ndize ndive izifundo ezifundiswa ngamabali. Izifundo zokunganyoluki, ukuzingca okanye ububi."

Kwibali elinesihloko esithi, "Iintandane". Sifumana umama wesibini okhohlakeleyo onekhwele ngothando lomyeni wakhe ngonyana wakhe. Umama wesibini ugqiba kwelokuba akufake ityhefu ekutyeni kwenkwenkwe. Ngenye imini umama wesibini wagxininisa ukuba nguye oza kuphekela intsapho ukutya. Ukupheka endlini kwakusoloko kusenziwa yintombazana kwaye esi senzo sinqabileyo sobubele sasibangela ukuba udadewabo ka-tge boy akrokre. Le ntwazana yabukela unina wesibini epheka yaza yambona egalela ingcambu ebomvu enetyhefu ekutyeni komntakwabo. Ukuze isindise ubomi bomntakwabo, le ntwazana yayijika ibe yintaka, ithi ngcu phezu kwesebe eliseshedini lenkomo ngoxa umnakwabo evale iinkomo ebusuku, aze amlumkise umnakwabo ukuba angasityi isidudu. Eli bali lisifundisa ngothando, ukunyaniseka, nokuba okulungileyo kuya kusoloko kububuyisela ububi.

Kwibali elinesihloko esithi, “Saṅombe”. Sifumana intombazana egama linguDenga eyayitshatile inabantwana ababini, uMunyadziwa noMunzhedzi. Ngomnye unyaka, emva kweminyaka emihlanu engababoni abazali bakhe, wacela umyeni wakhe ukuba abatyelele aze ababonise abantwana bakhe. Umyeni wakhe wavuma kodwa kuphela ukuba inkomo yabo engcwele yayinokuhamba naye. Le yayingeyonkomo iqhelekileyo kodwa yayiyinkomo yomlingo eyayikwazi ukuthetha, ukucula nokunxiba okomntu.