Maḽa Nṋe

READ SAMPLE 

Nga ha bugu

Maḽa Nṋe ndi bugu ya ḓirama ine ya amba nga Makhonya na Gushumbu, vhavhili vho vhonanaho. Vhuvhili havho vha dzhena tshikolo tsha Tomboḽagole fhasi ha vhurangaphanḓa ha ṱhohoyatshikolo Vho-Silema.

"Vho-Tshinondiwa: Hezwi vha tshi ri vhona ri hafa ro ḓa nga mafhungo! Mafhungo ndi a hoyu Gushumbu na Makhonya! O gonya miri hezwi e hafa hoyu musidzanyana! Mukovholi wawe uri ndi muṱhannga wa fhano Makhonya! Aa, mafhungo ndi eneo!"

Makhonya a tshi vhudziswa uri mihwalo iyi u ya i ḓivha naa? Makhonya a lamba u tenda! Khotsi a Gushumbu Vho-Dakwa vha livha thavhani u mangala mulandu. Mafheleloni Makhonya o tenda uri mihwalo ndi yawe!

Makhonya ndi murwa wa Vho-Manyanyatha na Vho-Seani. Muḓini wa Vho-Manyanyatha vhutshilo vhu khou konḓa! A hu na tshithu hu liwa nnda ha sevhiwa nga gai! Khuhu i tevhela muthu bungani! Vhusiwana ndi vhuhulu, mmbwa i ḽa u tumba! Makhonya a livha Vhurwa u shambila na vhanwe vhanna.

Tshikoloni tsha Tomboḽagole, Gushumbu u ṱangana na ṱhohoyatshikolo Vho-Silema vha mu ambisa. Mafhungo a Gushumbu na Vho-Silema zwa ri u naka zwa dzhia madelemapfane zwa vhea. Makhonya o ri u vhuya Venda a wanulusa mafhungo oṱhe ane a khou itiwa nga musadzi wawe.

Ho vhifha tshoṱhe! Naho wa i viela bakoni mahunguvhu a ḓo i vhona. Gushumbu a wana o ḓola vhulaḓa a tambula nga u ḓihwenga sa mulwadze wa phadi. Nndwa ya vuwa, malofha a shuluwa.