Mufunzi Wavhuḓi

READ SAMPLE 

Nga bugu

Mufunzi Wavhuḓi ndi bugu ya ḓirama ine ya amba nga Muingameli Vho-Phuravhathu na maitele mavhi a u kukuṱa masheleni sa khovhe hafha kerekeni ya Thanzi-dza-Muingameli. 

"Tshithu tshi ofhisaho muthu tshi hone, ṱhama. Tshenetsho ndi lufu, vhulwadze na u loiwa. Muthu o takala wa mu vhudza nga muloi dakalo ḽi a ṱhafha. Hedzi phuna tharu kha ri dzi shumise mazha ro fhaṱuwa! Ri ombedzele uri miraḓo ya tshivhidzo tshashu a i lwali, a i loiwi na u fa i fa musi tshifhinga tsho swika. Vha ḓo vhona zwine zwa bvelela vhone." Ndi Vho-Rerani vha no amba nga u ralo.  

Vho-Tshipanere ndi mufunzi muhulwane a re kha komiti ya kereke we a thoma u hanedzana na vhurangaphanḓa vhuvhi ha Muingameli Vho-Phuravhathu. 

"Nnditsheni ndi mu gudise kuambele kwo teaho, magalatshane aya! Ḓuvha ḽiṅwe na ḽiṅwe ndi tshelede, vha ḓo i wana ngafhi vhathu na vhushai honohu vhungafha-ngafha. Ni songo bvisa vhoiwe! A no bvisa ndi zwawe enemune. Ni songo tenda u ḽiwa nga munna o dzula kha tshidulo!" Ndi Vho-Tshipanere vha tshi khou teketela. 

"Mudzimu u ḓo bunisa muthu! Vhoṱhe vhane vha amba dzina ḽawe nga fhedzi vha ḓo pfa u vhavha! Bivhili yanga i ri u songo amba dzina ḽa Yehova nga fhedzi ngauri onoyo ane a amba dzina ḽa Yehova nga fhedzi Yehova ha nga mu litshi! U ḓo ḽa zwi ḓifhaho a si pfe muḓifho wazwo. U ḓo pfa ḓora a nwa maḓi a rotholaho hone a si dzimulee ḓora! Mbiti dza mudzimu dzi ḓo wela vhoṱhe vhane vha amba dzina ḽawe nga fhedzi, i ralo nzumbululo ya Yehova!" Vha no amba nga u ralo ndi Vho-Tshipanere vho pina sa mboho. 

Muingameli Vho-Phuravhathu vho pfa u muvhango wa munna mushayanungo. Vha dzhia tsheo ya uri Vho-Tshipanere kha vha ngalangadzwe zwi ye na vhusula!

Muṅwali

Muṅwali nga dzina ndi Ramulifho Shakandinnyi ane o nwala bugu dza 34. Bugu edzi dzi katela bugu dza zwirendo, dza ngano na dzithai, dza ḓirama, dza nganeapfufhi, dza Luisimani na dza vhagudiswa vha phuraimari gireidi 1-5. Bugu idzi dzi khou wanala kha vhengele ḽa WhatsApp kha nomboro dza 061 511 9711.