Salungano Salungano

Heyi ndi bugu ya vhana i re na ngano dza 21 na mbudziso. Nga nṱha ha izwi ya ingwa nga thai dza Tshivenḓa dza 110 na phindulo dzadzo. 

Ngano dzi fanaho na : 1) Munna we a vha asa funi vhana - 2) Dyambila ḽe ḽa vha ḽi khosi - 3) Vhuṱama ha goni na khuhu - 4) Saṅombe - 5) Phukha nwaha wa nḓala - 6) Munna wa tseḓa - 7) Tsiwana dzi si na mme - 8) Munna na musadzi wawe - 9) Muṱhannga na mme awe - 10) Mukololo na ṱhama dzawe - 11) Khotsi wa mudzimba - 12) Mufumakadzi wa vivho - 13) Wa maanḓa na wa vhuṱali - 14) Mutambo muvhi - 15) Hu na Savhadina! - 16) Luti - 17) Makhulu vha u ḽa milora - 18) Vhanna vha dziṱhama - 19) Lufu lwa musika - 20) Ndaukadzi na phalana - 21) Khali ya Musuku 

Kha ngano ya “Tsiwana dzi si na mme”, ri wana mmane vha sa funi ṅwana wa mutukana wa munna wavho. Mmane vha fhedza vho dzhia tsheo ya u mu milisa tshivhindi nga u mu shelela mulimo. “Ndi fhaḽa khaladzi a mutukana a tshi vhamba maano a u mu ponisa tshikwekweni itshi tsho itwaho nga mmane wawe. Kholomo dzi tshi dzhena dangani, musidzana uyu a shanduka a ita tshiṋoni a kavha kha muri u re henefho dangani a thoma u imba luimbo.”

Kha ngano ya “Mutambo Muvhi” ri wana vhafumakadzi vhana vha u vuwa vha songo ṱohola. Vhafumakadzi avha vha tamba tshiṱokofela tsha u vhulaha vhana. Zwo ḓo tshinyala musi muṅwe wa vhafumakadzi a tshi hana u vhulaha ṅwana wawe muthihi fhedzi. “Ndi fhaḽa vha tshi laedza ṅwana wavho uri tshikhokhonono tsha u thoma u dzhena nḓuni yawe hu ḓo vha dongololo. Vhe ḽeneḽo ḽi ḓo vha ḽi mme awe a songo ḽi ita tshithu. Ha pfi tshikhokhonono tsha vhuvhili hu ḓo vha phame, vhe i tshi tou dzhena a mbo ḓi i doba a i pose ludongoni i swe. Vhe phame i do tevhelwa nga luvhenzhelele, vhe na lwone a lu dobe a lu pose ludongoni. Phukha ya u fhedza vhe hu ḓo vha luaviavi, vhe na lwone a lu dobe a lu pose ludongoni lu nyenge.” 

Thai na phindulo dzi fanaho na : 1) Thai, ndo posa vhurifhi ha kunda vhavhali. Ndi milenzhe ya ḓongololo. - 2) Thai, tselo dza Ṅwamugondo dzi no eḓana. Ndi ḽiṱaḓulu na ḽifhasi. - 3) Thai, buka maṋanga buka ḽi si na mutshila. Ndi vuḽamatshini. - 4) Thai, tshe nda bebwa a thi athu u vhona mudzi wa tombo. Ndi tshitiko. - 5) Thai, tshigukhunkhu tshi khukhula khomba. Ndi tshiukhuvha. 

Muṅwali nga dzina ndi Ramulifho Shakandinnyi ane o nwala bugu dza 34. Bugu edzi dzi katela bugu dza zwirendo, dza ngano na dzithai, dza ḓirama, dza nganeapfufhi, dza Luisimani na dza vhagudiswa vha phuraimari gireidi 1-5. Bugu idzi dzi khou wanala kha vhengele ḽa WhatsApp kha nomboro dza 061 511 9711.