SEPEDI - Dikanegelo tša Koko tša bana

Puku ye e na le dikanegelo tše 21 tšeo di fetišetšwago go tloga molokong o mongwe go ya go o mongwe. Borakgadi go botate le botate go barwa. Gomme bjale, ke e fetišetša fase go wena.

"Tše ke dikanegelo tšeo ke gotšego ke di theeleditše. Ke gopola ke lebeletše pele go etela borakgadi ba kgoro ya gešo, ke dutše diropeng tša ntate gomme ke theeleditše dikanegelo ka moka. Borakgadi ba be ba tla gopola dikanegelo tšeo ba gotšego ba di theeleditše gomme ke be ke sega boradia bja bohlanya le go sotha ditaba. Bontši bja borakgadi ba thess ga ba sa phela lehono eupša ke thabile gore nka abelana dikanegelo tša bona le lena ka moka." Ke holofela gore le tla di thabela!”

Ka kanegelong yeo e nago le sehlogo se se rego, “Ditšhiwana”. Re hwetša mma wa bobedi yo mobe a hufegela lerato leo monna wa gagwe yo mofsa a nago le lona go morwa wa gagwe gomme o tšea sephetho sa go mmolaya. Mma wa bobedi o tšea sephetho sa go tšhela mpholo dijong tša mošemane. Ka letšatši le lengwe, o ile a phegelela go tšea mediro ya go apea. Tiro ye ya sewelo ya go fa kudu e ile ya dira gore kgaetšedi ya mošemane e belaele. Ngwanenyana o ile a lebelela mmagwe wa bobedi ge a apea gomme a mmona a tsenya modu wo mohwibidu wo o nago le mpholo dijong tša ngwanabo. Go phološa bophelo bja ngwanabo, ngwanenyana o be a fetoga nonyana, a dula lekaleng la mohlare ka lešakeng la dikgomo ge ngwanabo a notlela dikgomo bošego, gomme a lemoša ngwanabo gore a se je poroto. Kanegelo ye e ruta ka ga lerato, potego le ka fao botse bo tlago fenya bobe ka mehla.

Kanegelo yeo e nago le sehlogo se se rego, “Saṅombe”. Re hwetša ngwanenyana yo a bitšwago Denga yo a nyetšwego a na le bana ba babedi, Munyadziwa le Munzhedzi. Ngwageng o mongwe, o ile a kgopela bogadi bja gagwe gore ba etele batswadi ba gagwe gomme ba ba tsebiše bana ba gagwe ka ge ba be ba se ba ka ba kopana. Ba bogadi ba ile ba dumela eupša fela ge kgomo ya bona ye kgethwa e be e ka mo felegetša. Ye e be e se kgomo ye e tlwaelegilego eupša e be e le kgomo ya maleatlana yeo e bego e kgona go bolela, go opela le go apara bjalo ka ge motho a be a tla dira.