SISWATI - Tindzaba Tagogo Tebantfwana

Lencwadzi icuketse tindzaba letingu-21 letidluliselwe esitukulwaneni lesinye kuya kulesinye. Futsi nyalo ngiwadlulisela kini.

"Leti tindzaba lengikhule ngitilalela, ngiyakhumbula ngivakashela labadzala bemndeni wami, ngihleti nababe ngilalela tonkhe tindzaba letimayelana nenkhomo yemlingo, bathakathi lababi kanye nentfombatana lengagucuka ibe yinyoni. Bogogo bami bebahlala batifundza letindzaba futsi bengiva tifundvo letifundziswa nguletindzaba."

Endzabeni lenesihloko lesitsi, "Tintsandzane". Sitfola make wesibili lonelunya lonemona ngelutsandvo lwendvodza yakhe ngendvodzana yakhe. Lomake wekucala uncuma kufaka buthi ekudleni kwalomfana. Ngalelinye lilanga lomake wesibili waphikelela kutsi kube nguye lotawuphekela lomndeni. Kupheka endlini bekuhlala kwentiwa yintfombatana futsi lesi sento semusa lesingakavami besimenta dzadzewabo lomfana asole. Lentfombatana yabuka make wayo wesibili apheka futsi yambona engeta umphandze lobovu lonebuthi ekudleni kwemnakabo. Kusindzisa imphilo yemnakabo, lentfombatana beyigucuka ibe yinyoni, ihlale egatjeni lesihlahla esibayeni setinkhomo ngesikhatsi umnakabo avalela tinkhomo ebusuku, bese icwayisa umnakabo kutsi angadli liphalishi. Lendzaba isifundzisa ngelutsandvo, kwetsembeka, nekutsi lokuhle kutawuhlale kubuyisela lokubi.

Kulendzaba lenesihloko lesitsi, “Saṅombe”. Sitfola intfombatane ligama layo kungu Denga lebeyishadile inebantfwana lababili bo Munyadziwa na Munzhedzi. Ngalomunye umnyaka, ngemuva kwekuphela iminyaka lesihlanu angaboni batali bakhe, wacela indvodza yakhe kutsi ibavakashele futsi ibakhombise bantfwana bakhe. Indvodza yakhe yavuma, kepha kuphela uma inkhomo yabo lengcwele ingahamba naye. Lena bekungasiyo inkhomo levamile kepha bekuyinkhomo yemlingo lebeyikhona kukhuluma, kuhlabela, nekugcoka njengemuntfu.